واضح رہے کہ شریعت نے والدین کوبچے کے لیے  اچھے اور عمدہ معنی کے نام رکھنے کی ترغیب دی ہے۔

صورتِ مسئولہ میں ہما سے مراد عقاب(ایک بڑا شکاری پرندہ، یعنی عقاب)ہے اور یہ بھی کہا گیا ہے کہ یہ ایک ایسا پرندہ ہے جس کے پروں سے اس کی عزت کی وجہ سے بادشاہ اپنے لیے تاج بناتے تھے۔ چونکہ ہما نام کا معنی درست ہے اس وجہ سے اس نام کا رکھنے کی گنجائش ہے۔ البتہ بہتر یہ ہے  کہ بچوں اور بچیوں کے نام صحابہ اور صحابیات کے ناموں پر رکھے جائیں ذیل میں چند صحابیات کے نام پیش کیےجاتے  ہیں:خدیجہ، عائشہ، صفیہ، حفصہ، جویریہ، سودہ، حبیبہ، ام  کلثوم، زینب، رقیہ، فاطمہ، اسماء، بریرہ، سلمی، ھالہ، خولہ، آمنہ، بسرہ، خنساء، رملہ، زنیرہ، نفیسہ، عاتکہ، لبیبہ، حولاء۔

 التسمية ‌باسم ‌لم ‌يذكره ‌الله تعالى في عباده ولا ذكره رسول الله صلى الله عليه وسلم ولا استعمله المسلمون تكلموا فيه والأولى أن لا يفعل كذا في المحيط. (الفتاوى الهندية، الباب الثالث والعشرون في الغيبة والحسدوالنميمة والمدح، ج:5، ص:362)

(‌الهماء) العقاب وقيل طائر تتخذ الملوك من ريشه في تيجانهم لعزته (فارسية). (المعجم الوسيط، باب الھاء، ج:2، ص:996)

‌هماء: العقاب: طائر آخر تتخذ الملوك من ريشه تيجانهم لعزته. زعموا أن من وقع ظله عليه صار ملكا. (معجم متن اللغة، الباب ھ ، ج:5، ص667)