واضح رہے کہ جب نذر کے روزوں میں صرف ایام یا مہینوں کی تعداد مقرر کی جائے اور تتابع (روزے مسلسل رکھنے) کی نیت نہ کی جائے تو ناذر کو اختیار ہوتا ہے چاہے تو روزے وقفہ کے ساتھ رکھے اور چاہے تو مسلسل رکھے، کیونکہ تتابع اس وقت ہی لازم ہوتا ہے جب نذر کے وقت اس کی صراحت یا نیت کی گئی ہو، ورنہ نہیں۔

 لہٰذا صورتِ مسئولہ میں اگرعورت نے پہلے تین مہینے کی نذر مانی اور کچھ عرصہ بعد ایک مہینے کی نذر مانی، اور دونوں میں سے کسی نذر میں بھی مسلسل رکھنے کی نیت نہیں کی تھی تو اس پر روزے مسلسل رکھنا ضروری نہیں ہے،البتہ اگر کسی نذر میں خاص طور پر تتابع کی نیت کی ہو تو وہی نذر مسلسل رکھنا واجب ہوگی۔

ولو قال: لله علي أن أصوم يومين أو ثلاثة أو عشرة، لزمه ذلك ويعين وقتًا يؤدي فيه، فإن شاء فرق، وإن شاء تابع، إلا أن ينوي التتابع عند النذر فحينئذٍ يلزمه متتابعًا، فإن نوى فيه التتابع، وأفطر يومًا فيه أو حاضت المرأة في مدة الصوم استأنف، واستأنفت، كذا في السراج الوهاج. ولو أوجب على نفسه متفرقًا فصام متتابعًا أجزأه، كذا في فتاوى قاضي خان.(الفتاوى الهندية،كتاب الصوم،الباب السادس في النذر،ج:1،ص:209)