واضح رہے کہ کسی غیر رجسٹرڈ ادارے یا شخص کے ذریعے  ایک ملک کی کرنسی کو دوسرےملک کی کرنسی سے تبدیل کر کے ایک جگہ سے دوسری جگہ بھیجنا ہنڈی کہلاتا ہے،چونکہ یہ دو مختلف کرنسیوں کا تبادلہ ہےاس لیے اس میں کسی ایک کرنسی پر مجلس عقد میں قبضہ کرنا ضروری ہے، تاکہ بیع الکالی بالکالی (قرض کے بدلے قرض کی بیع) نہ ہو، جو شرعا ممنوع ہے۔

   صورت مسئولہ کے مطابق سعودی  میں  ریال خرید کر اس کے بدلے پاکستان میں پاکستانی روپیہ دینا  اس شرط کے ساتھ جائز ہوگا کہ   وہاں ریال  پر مجلس عقد میں قبضہ کیا جائے، نیز کسی ایک کرنسی کو دوسری کرنسی کے بدلے مارکیٹ ریٹ سے کم یا زیادہ پر بیچنا اور خریدنا  جائز ہے،تاہم ہنڈی کا کاروبار چونکہ ملکی قانون کی رو سے ممنوع ہے،اور جو ملکی قانون شریعت کے اصول سے متصادم نہ ہو، اور وہ مفاد عامہ سے متعلق ہو، اس کی پاسداری شرعا بھی ضروری ہوتی ہے، اس لیے قانون کی پاسداری کی خاطر رقوم کی ترسیل کے لیے ہنڈی کی بجائے قانونی راستہ اختیار کرنا چاہیے۔

عن ابن عمر رضي الله عنهما، عن النبي صلى الله عليه وسلم، قال: «السمع والطاعة حق ما لم يؤمر بالمعصية، فإذا أمر بمعصية، فلا سمع ولا طاعة». (صحيح البخاري، كتاب الأحكام، باب السمع والطاعة للإمام ما لم تكن معصية، رقم الحديث:7144، ج:2،ص:1075)

لو باع الفلوس بالفلوس أو بالدراهم أو بالدنانير فنقد أحدهما دون الآخر جاز. (البحرالرائق، كتاب البيع، أبواب السلم،ج:6،ص:219)

لا بد من قبض أحدهما ليخرج العقد عن الكالىء بالكالىء. (الهداية، كتاب البيع، مسائل منثورة، ج:3،ص:111)

قال وإذا عدم الوصفان الجنس والمعنى المضموم إليه حل التفاضل والنساء لعدم العلة المحرمة. (الهداية، كتاب البيع، باب الربو، ج:3،ص:83)