واضح رہے اگر کسی کے پاس اتنا مال ہو، جو ساڑھے باون تولہ چاندی کی قیمت کے برابر ہو اور ضرورت سے زائد ہو یعنی ذاتی استعمال کے لئے نہ ہو بلکہ خرید وفروخت کے لئے ہو اور اس پر سال گزر جائے تو اس میں زکوٰۃ واجب ہو جاتی ہے ۔

لہذاصورت مسؤلہ كے مطابق اگر موبائل او ر اس سے متعلق اشیاء كی خرید وفروخت کا کاروبار کیا جاتا ہو اور اس کی قیمت  ساڑھے باون تولہ چاندی کی قیمت کے برابر یا اس سے زائد ہو،  توسال گزرنے پر  اس میں  زکوٰۃ کی ادائیگی واجب ہے۔نیز زکوٰۃ کی ادائیگی کا طریقہ یہ ہے کہ اس سارے مال کی بازار میں  قیمت فروخت کا اندازہ  لگا کر چالیسواں حصہ بطور زکوٰۃ فقرا اور مساکین کو دیا جائےگا۔

حدثنا إبن نمير، عن يحيى بن سعيد، عن عبد الله بن أبي سلمة، أن أبا عمرو بن حماس، أخبره، أن أباه حماسا كان يبيع الأدم والجعاب، وأن عمر قال له: يا حماس أد زكاة مالك، فقال: والله ما لي مال إنما أبيع الأدم والجعاب، فقال: قومه وأد زكاته. (المصنف - إبن أبي شيبة، كتاب الزكوٰۃ، باب ما قالوا فی المتاع یکون عند الرجل یحول علیہ الحول، ج:2، ص: 10456)

‌قوله: ‌وفي ‌عروض تجارة بلغت نصاب ورق أو ذهب) معطوف على قوله أول الباب في مائتي درهم أي يجب ربع العشر في عروض التجارة إذا بلغت نصابا .(البحر الرائق، كتاب الزكوٰۃ، باب زكوة المال، ج:2، ص:245)