واضح رہے کہ اگر کو ئی شخص کسی کوقرض پر پیسے دے کر قرضدار سےکسی اضافی چیز لینے کا مطالبہ نہ کرے تو یہ قرض حسنہ شمار ہوگا، اور قرض دینے والا شخص مستحق اجر وثواب ہوگا،نیزاگر کوئی کمپنی اپنے ملازمین کو بلا سود قرضہ کی سہولت فراہم کرتی ہے، تو یہ کمپنی کی جانب سے اپنے ملازمین کے ساتھ احسان  کا معاملہ ہے، لیکن اگر کمپنی نقصان اور خسارہ سے بچنے کے لیے اپنے قرض داروں پر کچھ ایسی شرائط لگادے، جو شریعت کے منافی ہوں، تو ایسی شرائط لگانا شرعاًجائز نہیں۔

صورت مسئولہ میں اگر کمپنی کی انتظامیہ نے خسارہ سے بچنے کے لیے یہ اصول وضع کیاہو کہ فوت شدہ مقروض کا قرضہ دوسرے قرض داروں سے وصول کیا جائے گا تواگرچہ قرض داروں نے باقاعدہ اس بات کو مان لیاہواور قرض کا معاہدہ کرتے وقت اس پردستخط کرچکے ہوں، پھر بھی ان سے اس طرح کی کٹوتی کرنا شرعاً جائز نہیں کیونکہ قرض دہندہ کو قرض کی وجہ سے جو مشروط نفع ملے وہ شرعاً سود کے زمرے میں آکر ناجائز شمار ہوتا ہے۔

اسی طرح یہ معاملہ غرر سے بھی خالی نہیں کیونکہ یہ معلوم نہیں کہ ملازمین قرض داروں میں سے کتنے مدت قرض کے دوران مریں گے اور ایک قرض دار ملازم کو فوت شدہ ملازمین کے بقایاجات میں سے کتنے اداکرنے ہیں، لہذا اس صورت حال میں ملازمین کےلیے کمپنی سے اس طرح کا بلاسود قرض لینا شرعاً جائزنہیں۔

(كل ‌قرض ‌جر ‌نفعا حرام) أي إذا كان مشروطا.(ردالمحتار على الدرالمختار، كتاب البيوع، باب المرابحة والتولية، ج:7، ص:395)

وأماا‌الذي ‌يرجع ‌إلى ‌نفس ‌القرض: فهو أن لا يكون فيه جر منفعة، فإن كان لم يجز، نحو ما إذا أقرضه دراهم غلة، على أن يرد عليه صحاحا، أو أقرضه وشرط شرطا له فيه منفعة؛ لما روي عن رسول الله صلى الله عليه وسلم أنه «نهى عن قرض جر نفعا» ؛ ولأن الزيادة المشروطة تشبه الربا؛ لأنها فضل لا يقابله عوض، والتحرز عن حقيقة الربا، وعن شبهة الربا واجب. (بدائع الصنائع في ترتيب الشرائع، كتاب القرض، فصل في الشروط، ج:10، ص:597)

ولا يجوز بيع السمك قبل أن يصطاد۔۔۔ولا بيع الحمل ولا النتاج" لنهي النبي عليه الصلاة والسلام عن بيع الحبل وحبل الحبلة ولأن فيه غررا.قال: "ولا اللبن في الضرع" للغرر فعساه انتفاخ، ولأنه ينازع في كيفية الحلب، وربما يزداد فيختلط المبيع بغيره. ( الهداية،باب البیع الفاسد،ج:5،ص96،95)