حکومت یا نجی کمپنی ملازمین کی تنخواہوں سے اپنے طور پر جس خاص رقم کی کٹوتی کرتی ہے، اور اس جمع شدہ فنڈ کے ساتھ کمپنی اپنی طرف سے کچھ فی صد اضافی رقم بھی دیتی ہے، چونکہ اس کٹوتی میں ملازمین کو اختیار نہیں   ہوتا اس لیے وہ  معذور سمجھے جاتے ہیں۔ چنانچہ اس پر  اضافی رقم ملازم کے لیے لینا حلال ہے اور سود کے زمرہ میں نہیں ، کیوں کہ سود دو آدمیوں کے مابین ایسا عقد ہوتا ہے کہ دونوں کی طرف سے مال ہو اور کسی ایک طرف سے اضافی رقم لینا مشروط ہو ، جبکہ پراویڈنٹ فنڈ میں ملازم کی تنخواہ سے جو رقم کٹتی ہے، وہ ملازم کی ملک میں نہیں ہوتی، یعنی اس پر ابھی تک مالک کا قبضہ نہیں ہوا ہوتا، لہذا ایسی رقم کے ساتھ کمپنی کا معاملہ یک طرفہ ہے ،اس لیے ملازم کے لیے اصل  جمع شدہ رقم  مع اضافہ  لینا جائز ہے۔

تاہم اگر ملازمین اپنی مرضی و اختیار سے تنخواہ کا ایک خاص حصہ کٹواتے ہوں تو اختتام ملازمت کے وقت اس جمع شدہ رقم کے ساتھ جومزید رقم دی جاتی ہے، وہ شبہ ربا  کی وجہ سے ناجائز ہے ،لہذا اس سے اجتناب ضروری ہے۔

عن عامر، قال: سمعت النعمان بن بشير، يقول: سمعت رسول الله صلى الله عليه وسلم يقول: " الحلال بين، والحرام بين، وبينهما مشبهات لا يعلمها كثير من الناس، فمن اتقى المشبهات استبرأ لدينه وعرضه، ومن وقع في الشبهات: كراع يرعى حول الحمى، يوشك أن يواقعه، ألا وإن لكل ملك حمى، ألا إن حمى الله في أرضه محارمه، ألا وإن في الجسد مضغة: إذا صلحت صلح الجسد كله، وإذا فسدت فسد الجسد كله، ألا وهي القلب. (الصحيح البخاري ،باب فضل استبرا لدينه، رقم الحدیث: 52، ج:1، ص: 70)

قال رحمه الله (والأجرة لا تملك بالعقد بل بالتعجيل أو بشرطه أو بالاستيفاء أو بالتمكن منه)  أي لا تملك الأجرة بنفس العقد سواء كانت الأجرة عينا أو دينا، وإنما تملك بالتعجيل أو بشرط التعجيل أو باستيفاء المعقود عليه وهي المنفعة أو بالتمكن من استيفائه بتسليم العين المستأجرة في المدة.(تبيين الحقائق  شرح كنز الدقائق،كتاب الإجارة،ج:5،ص:106)