واضح رہے اگر کوئی شخص کسی کو پیسے دے کر کوئی چیز خریدنے کے لئے کہے تو یہ پیسے دینے والا مؤکل جبکہ پیسے  لینے والا وکیل با لشراء (یعنی خریداری کا وکیل) کہلاتا ہے اور وکیل کی حیثیت امین کی ہوتی ہے اس لئے خریدی ہوئی چیز کی جتنی قیمت بنتی ہے  وکیل اتنے ہی پیسوں کے  لینے کا حقدار ہوگا قیمت سے زیادہ پیسے لینا جائز نہیں ۔

صورت مسؤلہ کے مطابق سائل کے لئے یہ جائز نہیں  کہ کم قیمت پر کوئی چیز خرید کر مؤکل سے زیادہ پیسے وصول کرلے ہاں اگر پہلے سے یہ بات واضح کر لی جائے کہ میں چیز لانے کی مخصوص اجرت لوں گا اور مؤکل بھی اس پر راضی ہو تو پھر زیادہ پیسے لینے میں کوئی قباحت نہیں ۔

المال الذي قبضه الوكيل بالبيع والشراء وإيفاء الدين واستيفائه وقبض العين من جهة الوكالة في حكم الوديعة في يده…إذا ‌شرطت ‌الأجرة ‌في ‌الوكالة وأوفاها الوكيل استحق الأجرة، وإن لم تشترط ولم يكن الوكيل ممن يخدم بالأجرة كان متبرعا. فليس له أن يطالب بالأجرة.(مجلة الأحكام العدلية،کتاب الوکالۃ،الباب الثالث،الفصل الثاني فی بيان أحكام الوکالۃ العمومية،المادۃ 1463،ص:285،284)