واضح رہے کہ اگر کوئی شخص مزکی سے پیسے لے کر یہ کہے کہ میں اسےکسی مستحق شخص تک پہنچا دوں گا، تو وہ  اس کی طرف سے زکوۃ ادا کرنے کا وکیل بن جاتا ہے، اس لئے  ایسی صورت میں وکیل کے لیے خود زکوٰۃ کی وہ رقم لینا جائز نہیں، اگرچہ وہ خود مستحق ہی کیوں نہ ہو۔

لہٰذا صورت مسئولہ میں مذکورہ عالم مستحقِ زکوٰۃ ہونے کے باوجود مذکورہ  زکوٰۃ کا مال استعمال نہیں کرسکتا بلکہ دھوکہ کے مترادف ہے، البتہ مزکی سے باقاعدہ اپنے  لئے  اجازت لے اگر وہ اجازت دے دے،تو پھر استعمال کرسکتا ہے۔

وللوكيل ‌بدفع ‌الزكاة ‌أن ‌يدفعها إلى ولد نفسه كبيرا كان أو صغيرا، وإلى امرأته إذا كانوا محاويج، ولا يجوز أن يمسك لنفسه شيئا إلا إذا قال ضعها حيث شئت فله أن يمسكها لنفسه.  (البحر الرائق شرح كنز الدقائق، كتاب الزكاة، شروط أداء الزكاة، ج:2، ص:227)