واضح رہے کہ اجیرخاص متعین وقت میں حاضر ہوکراپنی خدمات مستاجرکے حوالے کرنے پراجرت کا مستحق ٹھہرتا ہے۔اس مدت کے دوران وہ مستاجرکی اجازت کے بغیرنہ اپنا کوئی دوسرا کام کرسکتا ہے اورنہ کسی اورکا، نیزاجارہ خاص میں اجرت کا تعلق اس کی ذات تک محدود رہتا ہے یعنی اس کی صلاحیتوں کوسامنے رکھتے ہوئےاس کی تقرری ہوتی ہے، اس لیےاپنی ذمہ داری دوسرے شخص کوحوالہ کرکےاجرت لینا جائزنہیں۔

صورت مسئولہ کے مطابق سائل چونکہ اجیرخاص کے حکم میں ہے، لہذا وہ اپنی ڈیوٹی کسی اور کےذریعے کرانے کا مجازنہیں۔ نیزاگروہ خود متعلقہ ڈیوٹی سرانجام نہ دے توایسی صورت میں اس کے لیے تنخواہ لینا بھی جائزنہ ہوگا۔ نیز یہ بھی اس کے اختیارمیں نہیں کہ وہ اپنی ڈیوٹی دوسرے کے حوالے کر کےتنخواہ آپس میں تقسیم کریں اور یا تمام تنخواہ اس کو دے۔ اگرخود ملازمت سے قاصرہوتواستعفی دے کہ حکومت کسی دوسرے کا تقرر کرلے۔

‌والأجيرالخاص ‌من ‌يكون ‌العقد ‌واردا على ‌منافعه ولا تصير منافعه معلومة إلا بذكرالمدة أو بذكرالمسافة ومنافعه في حكم العين، فإذا صارت مستحقة بعقد المعاوضة لإنسان لا يتمكن من إيجابها لغيره بخلاف الأجيرالمشترك لأن المعقود عليه فيه هوالوصف الذي يحدث في العين بعمله فلا يحتاج إلى ذكره المدة ولا يمتنع عليه تقبل مثل ذلك العمل من غيره .(تبيين الحقائق شرح كنزالدقائق، كتاب الإجاره، باب ضمان الأجير، ج:6، ص:137)

الأجيرالذي ‌استؤجرعلى ‌أن ‌يعمل ‌بنفسه ليس له أن يستعمل غيره. (شرح المجلة لمحمدخالد الأتاسي، المادة، 571، كتاب الإجاره، ج:2، ص:671)