جاننا چاہیے کہ دو گواہوں کی موجودگی میں طرفین کے ایجاب وقبول سے نکاح منعقد ہوتاہے چنانچہ اگرعرف ورواج کے مطابق کسی لڑکی کو کسی مرد کی طرف منسو ب کرنے کی بات ہوجائے لیکن  باقاعدہ ایجاب وقبول نہ ہوا ہوتو یہ عمل نکاح نہیں بلکہ وعدہ نکاح ہے۔

صورت مسؤلہ کے مطابق اگر لڑکے اور لڑکی کا رشتہ  طے ہو جائے لیکن باقاعدہ نکاح نہ ہواہوصرف منگنی ہوئی ہوجس میں نہ خطبہ پڑھا گیا ہو نہ کوئی مہر مقررہواورنہ ہی لڑکی سے اختیار لیا گیا ہوتو محض رشتہ کی بات کرنے سے شرعاً نکاح منعقد نہیں ہوتا لہذا اگراس لڑکی کے والدین کسی  وجہ سے اس رشتہ کو ختم کرنا چاہیں تورشتہ ختم کرنا ان کے اختیار میں ہے البتہ رشتہ ختم کرنے کی صورت میں وعدہ کی خلاف ورزی کے مرتکب ٹھہریں گے اس لیے کسی واقعی عذر کی بناء پر ہر گزوعدہ خلافی نہ کریں۔

قال ‌في ‌شرح ‌الطحاوي: لو قال هل أعطيتنيها فقال أعطيت إن كان المجلس للوعد فوعد، وإن كان للعقد فنكاح.(رد المحتار على الدر المختار،ج:3،ص:11)

ولا يلزم الوعد ‌إلا ‌إذا ‌كان ‌معلقا.(الأشباه والنظائرلابن نجيم،ص:247)