واضح رہے کہ جس  چیز کی عین کے ساتھ معصیت قائم نہ ہو ،بلکہ درمیان میں مباشرکافعل موجود ہو،تو ایسی چیزکے بنانے اور بیچنےکی شریعت میں گنجائش ہوتی ہے،چنانچہ جو اس کو خریدکرمعصیت میں استعمال کرے گاگناہ کاوبال ا سی کے ذمے ہوگا ، لیکن اگر کسی چیز کی عین کے ساتھ معصیت قائم ہو مثلا:شراب ،مورتی وغیرہ،تو اس کے بیچنے اور بنانے کی شرعا گنجائش نہیں ۔

لہذا صورت مسئولہ ميں مورتی کے لئے جو بکس بنایا جاتاہے ،چونکہ اس کی عین کے ساتھ کوئی معصیت قائم نہیں ہوتی ،بلکہ ممکن ہے کہ یہ شخص ہدایت پاکر آئندہ یہ  بکس کسی دوسرے مقاصد کے لیے استعمال کرے، اس لیے ایسے بکس کے  بنانے کی گنجائش ہے اور اس کے بنانے کی اجرت حرام نہ ہوگی ۔

‌ولو ‌آجر ‌نفسه ‌ليعمل في الكنيسة ويعمرها فلا بأس به؛ إذ ليس في نفس العمل معصية. (المحيط البرهاني، كتاب الاستحسان والكراهية،فصل في معاملة أهل الذمة، ج:6،ص:103)

أن ما قامت المعصية بعينه يكره بيعه تحريما وإلا فتنزيها. فليحفظ توفيقا. (ردالمحتار علی الدرالمختار ،کتاب الحظر والإباحة،فصل في البيع، ج: 9،ص:562)