واضح رہے کہ اگرکوئی شخص اپنی بیوی کی طلاق کوماضی میں کسی کام کے ہونے یا نہ ہونے پرمعلق کرےاوراس کا گمان ہو کہ وہ اس میں سچا ہے لیکن حقیقت میں وہ اس میں جھوٹا ہو،توشرط پائے جانے کی وجہ سےطلاق واقع ہوجاتی ہے۔

صورتِ مسئولہ کے مطابق اگرکوئی شخص ان الفاظ کے ساتھ قسم کھائے کہ" اگرآپ نے میرے قرض کوادا کیا ہوتومیری بیوی کوتین طلاق ہو"اورکہنے والا اس وقت یہ سمجھتا ہوکہ اسےقرض نہیں ملا ہے، لیکن بعد میں پتہ چلے کہ اس نے قرض وصول کیا ہے،تواس صورت میں شرط پائے جانے کی وجہ سےاس کی بیوی تین طلاقوں کے ساتھ مطلقہ ہوگی،کیونکہ تعلیق نفس الامرمیں ادائیگی سے ہے،اس کے علم سے نہیں۔

صرحوا في الأيمان بأنه لوحلف على ماض أوحال يظن نفسه صادقالايؤاخذ فيهاإلافي ثلاث:طلاق وعتاق ونذر. (ردالمحتارعلى الدرالمختار، كتاب الطلاق، ج:4،ص:628)

‌رجل ‌حلّفه ‌اللصوص ‌بثلاث تطليقات أنه ليس معه دراهم غيرالذي أخذوا منه فحلف؛فإن كان معه الأقل من ثلاثة دراهم لايحنث وإن كان معه ثلاثة أوأكثر،فإن كانت اليمين بالطلاق وقع الطلاق، وإن لم يعلم. (الفتاوى الهندية،كتاب الطلاق، ج:1،ص:505)