1۔       میـــ(افتخارحسین)ــــ(24)ــــــــــــــــــــــــــــــــــت

           حرمت بی بی     فوزیہ       انورحسین           منورحسین

                4               6              7                     7

بشرط صدق وثبوت اگر مرحوم(افتخارحسین) کا مذکورہ بالا ورثا کے علاوہ کوئی اور زندہ وارث موجود نہ ہو، تو بعد از ادائے حقوق متقدمہ علی الارث مرحوم کا ترکہ چوبیس(24) حصوں میں تقسیم ہوکر ماں(حرمت بی بی) کوچار(4/24) حصے، بیوہ(فوزیہ) کو چھ(6/24) حصے، جب کہ دو بھائیوں (انورحسین اور منورحسین) میں سے ہرایک کوسات سات(7/24) حصے ملیں گے۔

2۔           شریعت ِ مطہرہ کی رو سےمیراث کے احکامات میت کے ترکہ میں جاری ہوتے ہیں، یعنی جو اموال بوقتِ وفات اس کی ملکیت میں موجود ہوں وہ ورثا میں بقدرِ حصص میراث میں تقسیم کیے جائیں گے، اور جو مال بوقتِ وفات اس کی ملکیت میں نہ ہوبلکہ اس کی وفات کے بعدکسی فنڈ وغیرہ کی صورت میں ملا ہو، تو وہ ترکہ میں شمار نہ ہوگا، بلکہ وہ رقم عطیہ، امداد اور تبرع ہوتا ہے، اس لیےدینے والے ادارے کی طرف سےمرحوم کے جن لواحقین کو وہ رقم ملے گا وہی اس کے مالک ہوں گے۔

صورتِ مسئولہ میں متعلقہ محکمے کی جانب سے ملنے والے فنڈ میں سے جو رقم مرحوم کی تنخواہوں سے جمع شدہ  ہو، وہ ترکہ شمار ہوگی، اور شرعی حصص کے مطابق تمام ورثا کے مابین تقسیم کی جائے گی۔ اور جو رقم محکمے کی طرف سے بطورِعطیہ، تبرع یا امداد کے طور پر دی گئی ہو، تو وہ جس کے نام جاری ہوئی ہو وہی اس کا مالک متصور ہوگا۔

قال الله تعالى: ﴿فَإِنْ كَانَ لَهُ إِخْوَةٌ فَلِأُمِّهِ السُّدُسُ﴾ (النساء: 11)

وقال تعالى: ﴿وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ﴾ (النساء: 12) 

عصبة بنفسه وهو كل ذكر لا يدخل في نسبته إلى الميت أنثى وهم أربعة أصناف: جزء الميت وأصله وجزء أبيه وجزء جده، كذا في التبيين ‌فأقرب ‌العصبات ‌الابن ‌ثم ‌ابن ‌الابن وإن سفل ثم الأب ثم الجد أب الأب وإن علا، ثم الأخ لأب وأم، ثم الأخ لأب. (الفتاوى الهندية، كتاب الفرائض، الباب الثالث في العصبات، ج:6، ص:451)

والإرث في اللغة البقاء وفي الشرع انتقال مال الغير إلى الغير على سبيل الخلافة، كذا في خزانة المفتين. (الفتاوى الهندية، كتاب الفرائض، الباب فی تعريف الفرائض، ج:6، ص:447)

العطاء ‌لا ‌يورث. (الأشباه والنظائر، الفن الثاني في الفوائد، كتاب الفرائض، ص:256)