واضح رہے کہ بیوی کوطلاق کے صریح الفاظ کہنےسے طلاق بلا نیت بھی طلاق واقع ہوجاتی ہے، اوروقوعِ طلاق  کے لیے طلاق کے الفاظ کا بیوی کی طرف صراحتاً  نسبت کرنابھی ضروری نہیں ہے، بلکہ اگر  دیگر قرائن موجود ہوں: جیساکہ مطالبہ طلاق ہو،یا مذاکرہ طلاق ہو یا حالتِ غضب ہو،اور شوہر بیوی کو لفظ طلاق کہہ دے، تو دلالۃً بیوی کی طرف نسبت ہونے کی وجہ سے طلاق واقع ہوجاتی ہے۔

لہٰذا صورتِ مسئولہ میں بیوی کے مطالبہ طلاق  کے جواب میں شوہر نےجب اسےکہا کہ "طلاق،طلاق،طلاق" تو اس سے تین طلاقیں واقع ہوگئی ہے،اوردونوں کا نکاح ختم ہوچکاہے۔

وحال الغضب ومذاكرة الطلاق دليل إرادة الطلاق ظاهرًا فلايصدق في الصرف عن الظاهر۔( بدائع الصنائع فی ترتيب الشرائع،كتاب الطلاق، فصل في النية في نوعي الطلاق، ج:3، ص: 102( 

ولو قال أنت طالق يقع الطلاق به ولا يحتاج فيه إلى النية ويكون رجعيا تصح نية الثلاث). الفتاوی الهندية،کتاب الطلاق، الباب الثانی،الفصل الأول في الطلاق الصريح، ج:2، ص:355(