واضح رہے کہ کسی شخص یا ادارہ کو سٹاف یا لیبر فراہم کرنے کا معاملہ شرعا اجارہ کے حکم میں داخل ہے جس میں اجارہ کی شرائط موجود ہوں تو یہ معاملہ شرعا جائز ہوگا۔

صورت مسؤلہ میں اگر محکمہ ٹھیکیدار کو سٹاف فراہم کرنے کا ٹھیکہ دیتا ہو،اور ٹھیکدار محکمہ کے اصول کے مطابق سٹاف  فراہم کر کے ان  کے لیے مخصوص اجرت مقرر کرے ،اور عرفااور قانونا یہ ٹھیکیدار کاسٹاف سمجھا جاتا ہو،تو جتنی اجرت پر ٹھیکید ارنے ان کے ساتھ بات کی، اتناہی  ان کا حق ہو گا، اگر چہ ٹھیکیدار نے محکمہ سے زیادہ اجرت پر ٹھیکہ لیا ہو، لہذ ااسٹاف کو ان کی تنخواہیں دینے کے بعد ٹھیکیدار کے ساتھ بچت شده رقم ٹھیکدار کے لیے لینا جائز اور حلال ہے ۔

‌وللأجير ‌أن ‌يعمل ‌بنفسه وأجرائه إذا لم يشترط عليه في العقد أن يعمل بيده؛ لأن العقد وقع على العمل، والإنسان قد يعمل بنفسه وقد يعمل بغيره؛ ولأن عمل أجرائه يقع له فيصير كأنه عمل بنفسه، إلا إذا شرط عليه عمله بنفسه؛ لأن العقد وقع على عمل من شخص معين، والتعيين مفيد؛ لأن العمال متفاوتون في العمل فيتعين فلا يجوز تسليمها من شخص آخر من غير رضا المستأجر. (بدائع الصنائع في ترتيب الشرائع، كتاب الإجارة ، فصل في حكم الإجارة، ج :4، ص :208)