شریعتِ مطہرہ میں مرد وعورت کے آزادانہ اختلاط، بے پردگی اورغیر محرموں کے میل جول سے سختی کے ساتھ منع  کیا گیا ہے۔البتہ اگر  کوئی ناجائز اختلاط ورسومات سے بچتے ہوئے بقدر ضرورت کسی تقریب میں حاضری دے تو اس کی گنجائش ہے۔

 صورت مسؤلہ کے مطابق اگر بھائی کی شادی کی تقریب میں سائل کی نصیحت اور کوشش کے باوجود مرد اورعورت کے لیے الگ انتظام نہ ہوا، اورصلہ رحمی  کی بنا پر سائل حاضری دے جب کہ مخلوط ماحول یا دیگر حرام کاموں سے اپنے آپ کو دور رکھے اور نظروں کی حفاظت   کرتاہے اوردل سے اس عمل کو ناپسند بھی کرتاہے اور ضروری شرکت  کے بعد فوراً نکلے، توایسی شرکت کی  گنجائش ہے۔

وفي التتارخانية عن الينابيع: لو دعي إلى دعوة فالواجب الإجابة إن لم يكن هناك معصية ولا بدعة والامتناع أسلم في زماننا إلا إذا علم يقينا أن لا بدعة ولا معصية. (رد المحتار على الدر المختار، ج: 6، ص: 348)