واضح رہے کہ بچپن میں رشتہ طے کرنا یا کسی لڑکی کو لڑکے کے نام کرنا  محض وعدہ نکاح ہوتا ہے  جب تک باقاعدہ   گواہوں کی موجودگی میں  ایجاب و قبول نہ ہوا ہو، اس لیے اگر وہ لڑکا یا لڑکی  بڑے ہو کر اس طے شدہ رشتے سے انکار کریں تو  جبراً نکاح کرانے کی شرعا گنجائش نہیں  ہے ۔

صورت مسئولہ کے مطابق دادا کا اپنے ایک بیٹے کی بیٹی کو دوسرے بیٹے کے بیٹے کے نام کرنے سے نکاح  منعقد نہیں ہوا، بلکہ یہ محض  نکاح کا وعدہ تھا، اس لیے اگر لڑکی بالغ ہونے کے بعد اس رشتے پر راضی نہیں ہے تو کوئی اس پرزبردستی نہیں کر سکتا ۔

(‌ولا ‌تجبر ‌البالغة ‌البكر ‌على ‌النكاح) لانقطاع الولاية بالبلوغ )الدر المختار شرح تنوير الأبصار، كتاب النكاح ،باب الولي،ج:4،ص:591)

(ومنها) ‌رضا ‌المرأة ‌إذا ‌كانت ‌بالغة ‌بكرا ‌كانت أو ثيبا فلا يملك الولي إجبارها على النكاح عندنا، كذا في فتاوى قاضي خان(الفتاوى الهندية ، كتاب النكاح ، الباب الأول في تفسير النكاح، ج:1، ص:334)

قال في شرح الطحاوي: لو قال ‌هل‌أعطيتنيها فقال أعطيت إن كان المجلس للوعد فوعد، وإن كان للعقد فنكاح. (رد المحتار على الدرالمختار، كتاب النكاح،ج: 4، ص: 72)