وا ضح رہے آج کل مروجہ انشو رنس  کمپنیوں کے معاملات  چونکہ غیر شرعی امور جیسے ،سود قمار، اور غرر وغیرہ پر مشتمل ہونے کی وجہ سے  حرام  اور ناجائز ہیں، البتہ اگر  کوئی بامر مجبوری شرکت  کرلے تو اس کےلیے اپنی جمع کردہ قسطوں کے بقدر ہی استفادہ کی گنجائش ہےاس سے زیادہ استفادہ کی گنجائش نہیں۔

صورت مسئولہ کے مطابق جن کمپنیوں میں میڈٰیکل انشورنس کی مد میں غیر اختیاری طور پرملازم کی تنخواہ  سے مخصوص رقم کی کٹوتی ہوتی ہے، اگرچہ  کمپنی والوں کےلیے ایسا کرنا درست نہیں  اور ان کا یہ عمل قابل اصلاح ہے ،لیکن جن ملازمین سے انشورنس کی مد میں تنخواہ کاٹی گئی ہے ان کےلیے انشورنس کمپنی سے صرف اپنی جمع کردہ قسطوں کے بقدر میڈیکل ریلیف حاصل کرنے کی گنجائش ہےاور اس سے زیادتی چونکہ سود کے زمرےمیں آتاہے لہذااس سے زیادہ ریلیف حاصل کرنے کی گنجائش نہیں ،اوراگرکوئی  ملازم  جمع کردہ قسطوں سے  زیادہ میڈیکل ریلیف  حاصل کرے  تو  اس زیادتی  کے بقدر رقم غریبوں پر خرچ کرے۔

عن جابر قال:لعن رسول الله صلى الله عليه و سلم آكل الربا،و مؤكله،و كاتبه،وشاهديه وقال هم سواء۔(صحيح المسلم،كتاب المساقاة،باب الربا،ج:2،ص:27)

و سمي القمار قمارا لأن كل واحد من المقامرين ممن أن يجوز أن يذهب ماله إلى صاحبه،ويجوز أن يستفيد مال صاحبه وهو حرام بالنص۔(رد المحتار على الدرالمختار،فصل في البيع،ج:6،ص403)