واضح رہے کہ حاجی(متمتع یا قارن) کے لیے 10 ذولحجہ کو تین کاموں (رمی، قربانی اور حلق) میں ترتیب واجب ہے، یعنی سب سے پہلے رمی کرے پھر قربانی کرےاس کے بعد بال کٹوائے، اگر ان  تین کاموں میں ترتیب قائم نہ رہی، مثلاً:رمی سے پہلے قربانی کردی یا حلق کرالیا، یا قربانی سے پہلے حلق کرالیا، تو دم واجب ہوگا۔ نیز قربانی کسی ایسے معتمد شخص یا ادارے سے کروانی چاہیے جن کے متعلق اعتماد ہو کہ وہ مقررہ وقت میں قربانی کرکےاطلاع دے دیں گے۔

لہٰذا صورتِ مسؤلہ میں 10ذولحجہ کو جن چھ حاجیوں کی طرف سے رمی سے پہلے قربانی کی گئی ہے ان پر دم واجب ہے، اور جس شخص نے رمی کیا تھا  اور اس کے بعد اس کی طرف سے قربانی کی گئی اس پر دم واجب نہیں۔

‌وإنما ‌يجب ‌ترتيب ‌الثلاثة ‌الرمي ‌ثم ‌الذبح ‌ثم الحلق، لكن المفرد لا ذبح عليه فيجب عليه الترتيب بين الرمي والحلق فقط. (رد المحتار على الدرالمختار، كتاب الحج، باب الجنايات في الحج، ج:2، ص:555)

ويبدأ إذا وافى منى برمي جمرة العقبة ثم بالذبح إن كان قارنا أو متمتعا ثم بالحلق لحديث عائشة - رضي الله تعالى عنها - أن النبي صلى الله عليه وسلم قال: «‌إن ‌أول ‌نسكنا ‌في ‌هذا ‌اليوم أن نرمي ثم نذبح ثم نحلق». (المبسوط للسرخسي، كتاب المناسك، باب رمي الجمار، ج:4، ص:64)