واضح رہے کہ مرحوم کے ترکہ کی تقسیم سے پہلے کسی وارث کا اپنے شرعی حصہ سے بلا عوض دست بردار ہوجانا یا دیگر ورثاء کو بخش دیناشرعاً معتبر نہیں ہے، البتہ ترکہ تقسیم ہوجائےاور  ہر  وارث اپنے حصے پر قبضہ کرلے ،اس   کے بعد کوئی وارث  اپنا حصہ کسی  کو دینا چاہے  یا کسی کے حق میں دست بردار ہوجائے تو یہ شرعاً جائز اور  معتبر ہے۔ اسی طرح کوئی وارث ترکہ میں سے کوئی چیز لے کر  ترکہ میں سے اپنے باقی حصہ سے دست بردار ہوجائے تو یہ بھی درست ہے، اسے اصطلاح میں " تخارج" کہتے ہیں۔

صورت مسئولہ میں اگر مذکورہ بہن  ترکہ کی تقسیم سے پہلےبغیر کسی عوض کے  اپنے حصہ سے دست بردار ہوئی تھی، تو اس کا دست بردار ہونا شرعاً معتبر نہیں ہے،لہذابھائی پر لازم ہے کہ  وہ  اس کو اس کا شرعی حصہ مکمل ادا کرے،البتہ اگر اس نے اپنی رضامندی سے کوئی عوض مثلاً دنبہ وغیرہ لے کر  اپناحصہ بھائی کو بخش دیاتھا تو پھر اس کا بعد میں مطالبہ کرنا درست نہیں۔

الإرث ‌جبري ‌لا ‌يسقط ‌بالإسقاط. (ردالمحتار علی الدرالمختار،كتاب الدعوی،باب التحالف،ج11ص678)

لو قال الوارث: ‌تركت ‌حقي ‌لم ‌يبطل ‌حقه؛ إذ الملك لا يبطل بالترك. (شرح الأشباه والنظائر،ما يقبل الإسقاط من الحقوق وما لايقبله،ج3ص52)

وإن أخرجت الورثة أحدهم عن عرضٍ أو عقارٍ بمالٍ، أو عن ذهبٍ بفضّةٍ، أو بالعكس....... ‌قال ‌الأتقاني ‌معنى ‌التخارج أن يصالح بعض الورثة من نصيبه على شيء فيخرج من البين.(تبیین الحقائق شرح کنز الدقائق،کتاب الصلح،باب الصلح في الدین،ج:5،ص:508)