واضح رہے کہ جب کوئی شخص کسی چیز کی فروخت کے لیے معاوضے پر وکیل مقرر کرے، تو اس کے لیے ضروری ہے کہ معاوضہ متعین اور معلوم ہو، کیونکہ اجرت معلوم نہ ہونے کی صورت میں معاملہ فاسد ہوجاتا ہے۔                    

لہٰذا صورتِ مسئولہ میں سائل کے لئے  نئےموبائل فروخت کرنے پر 25 فیصد اور استعمال شدہ موبائل فروخت کرنے پر 35 فیصد اجرت طے کرنا، چونکہ مجہول اجرت ہے کیونکہ  معلوم نہیں کہ موبائل فروخت ہوگا یا نہیں، اور حقیقی منافع بھی مالک کو  ہی معلوم ہوں گے ، اس لئے سائل کے لئے فیصد بھی  مجہول ہوگی اس  وجہ سے اس طرح اجرت طے کرنا  جائز نہیں۔اور  اس کے متبادل جائز صورت  یہ ہو سکتی ہے کہ سائل کے لیے ایک خاص مقدار میں مہینے ،ہفتے یا دن کے حساب سے  تنخواہ مقرر کی جائے۔

والأصل في شرط العلم بالأجرة قول النبي صلى الله عليه وسلم «من استأجر أجيرا فليعلمه أجره» والعلم بالأجرة لا يحصل إلا بالإشارة والتعيين أو بالبيان وجملة الكلام فيه۔(بدائع الصنائع ،کتاب الإجارة،فصل في شرائط ركن الإجارة،ج:4،ص:194)

‌دفع ‌ثوبا إليه وقال بعه بعشرة فما زاد فهو بيني وبينك قال أبو يوسف - رحمه الله تعالى - إن باعه بعشرة أو لم يبعه فلا أجر له وإن تعب له في ذلك، ولو باعه باثني عشر أو أكثر فله أجر مثل عمله وعليه الفتوى۔(الفتاوى الهندية، کتاب الإجارة،الباب السادس عشر في مسائل الشيوع في الإجارة،ج:4،ص:451)