شریعت مطہرہ کی رو سے خدمات  یا منافع  کے عوض اجرت حاصل کرنا اجارہ کہلاتا ہے عقد اجارہ کی شرائط میں سے یہ بھی ہے کہ معقود علیہ مال متقوم ہو اور اس سے حاصل کی جانے والی منفعت منفعت مقصودہ ہو چونکہ حکومت کی جانب سے پاسپورٹ کا جاری ہونابین الاقوامی آمدورفت کے لئے ہوتا ہے اور اس کی خرید وفروخت  یا اجارہ پر دینےکی کوئی اجازت نہیں ہوتی اس لئے اسے کرایہ پر دینا شرعاً جائز نہیں۔

صورت مسئولہ کے مطابق کسی  کاپاسپورٹ کرایہ پر  اس لئے لینا کہ اس پرباہر سےکوئی چیزپاکستان لائی جائے،جائز نہیں ۔

طاعة الإمام فيما ليس بمعصية فرض.(بدائع الصنائع ، كتاب السير ، فصل فى بيان احكام البغاة ، ج7 ، ص140)

ومنها أن يكون مالا لأن البيع مبادلة المال بالمال.(بدائع الصنائع ، فصل و اما الذي يرجع الى المعقود عليه ، ج5، ص549)