واضح رہے کہ کسی بھی شعبے کا لائسنس یا ڈگری جو کسی شخص کو حکومت کی طرف سے جاری کیا جاتا ہے وہ اس شخص کے لیے اس شعبے میں کام  کرنے کا اجازت نامہ ہوتا ہے،اس لیےکسی اورکے لیے اس لائسنس کو استعمال کرنے کی قانونا اجازت نہیں ہوتی  اور حکومت کی ایسی جائز پابندیاں  جو مفاد عامہ کےلیے وضع کی گی  ہوں ان کی پاسداری شرعا بھی لازم ہوتی ہے اور اس کی خلاف ورزی   جائز نہیں ہوتی ،میڈیکل سٹور چلانے کے لیے لائسنس کی شرط چونکہ عوامی مصلحت کی خاطر لگائی گئی ہے،تاکہ کوئی ایسا شخص میڈیکل سٹور نہ چلا ئےجو ادویات  کی پوری پہچان نہ رکھتا ہو، اس لیے میڈیکل سٹور چلانے  کے لیے لائسنس کا اہتمام ضروری ہے۔اور لائسنس کے حامل شخص کا محض لائسنس  دینے پر تنخواہ لیناجائز نہیں جب تک وہ عملاًکام نہ کرے،کیونکہ لائسنس  حکومت کی طرف سے ایک اجازت نامہ ہے کوئی مال نہیں جس کو اجارہ پر دیا جاسکے۔

تصرف الإمام على الرعية منوط بالمصلحة.(الأشباه والنظائر لابن نجيم،القاعدة الخامسة،ص62)

والأجرة انما تكون في مقابلة العمل.(ردالمحتار على الدر المختار،كتاب النكاح،مطلب:أنفق على معتدةالغير،ج4،ص305)

وبهذا علم أن أمر القاضي لا ينفذ إلا إذاوافق الشرع.(شرح الأشباه والنظائر،القاعدة الخامسة،ص333،مكتبة اسلامية)