واضح رہے کہ اگر چار رکعات والی فرض نماز میں امام کے ساتھ تیسری رکعت کے رکوع کے بعد شامل ہوا تو یہ رکعت اس کی چھوٹ گئی، اب امام کے ساتھ اس کی صرف ایک ہی رکعت ہوئی، چنانچہ امام کے سلام پھیرنے کے بعد وہ تین رکعات ادا کرے گا، اور اس کا طریقہ یہ ہوگا کہ امام کے دونوں طرف سلام پھیرنے کے بعد کھڑے ہوکر پہلے ثناء پڑھے، پھر تعوذ و تسمیہ پڑھ کر سورہ فاتحہ اور سورت پڑھے، اور رکوع وسجود کے بعد قعدہ میں بیٹھ کر صرف تشہد پڑھے، پھر دوسری رکعت میں سورہ فاتحہ اور سورت پڑھ کر رکوع و سجود کے بعد سیدھا کھڑا ہوجائے اور  تیسری  (مجموعی طور پر آخری رکعت)  میں صرف سورۂ فاتحہ پڑھے، اور آخر میں قعدہ کرکے سلام پھیرلے۔

و لو أدرك ركعةً من الرباعية فعليه أن يقضي ركعةً و يقرأ فيها الفاتحة و السورة ويتشهد؛ لأنه يقضي الآخر في حق التشهد ويقضي ركعةً يقرأ فيها كذلك و لايتشهد، وفي الثالثة يتخير و القراءة أفضل.(البحرالرائق شرح كنزالدقائق،باب استخلاف المسبوق فى الصلاة،ج1ص،400)