واضح رہے کہ اگر میت کے اولیاء نے نماز جنازہ پڑھ لی یا ان کی اجازت سےنماز جنازہ پڑھائی گئی تو نمازِ جنازہ ادا ہو گئی اور فر ضِ کفایہ ادا ہوگیا۔ دوبارہ جنازہ ادا کرنا درست نہیں؛ اس لیے کہ نماز جنازہ میں اصل یہ ہے کہ ایک مرتبہ ہی پڑھی جائے، ایک سے زیادہ مرتبہ پڑھنا اصلًا مشروع نہیں، لیکن اگر میت کے کسی ایک ولی نے بھی نمازِ جنازہ نہیں پڑھی اور نہ ہی اس کی اجازت سے پڑھی گئی، بلکہ ایسے لوگوں نے پڑھی جن کو اس میت پر ولایت کا حق نہیں تھا تو ولی اس کی نمازِجنازہ دوبارہ کروا سکتا ہے، لیکن اس دوسری جماعت میں صرف وہ لوگ شریک ہوں گے جو پہلے میں شریک نہیں تھے۔

لہذا صورتِ مسئولہ میں اگر پہلی مرتبہ نماز جنازہ میں میت کا ایک بیٹا بھی شریک تھا یا بیٹے کی اجازت سے نماز جنازہ ادا کی گئی تھی تو دوبارہ نماز جنازہ پڑھنا درست نہیں تھا۔

ولو صلّى علیه الولي، وللمیت أولیاء أخر بمنزلته، لیس لهم أن یعیدوا، کذا في الجوهرة النیرۃ. (الفتاویٰ الهندیة، کتاب الصلاة، الباب الحادي و العشرون في الجنائز، الفصل الخامس في الصلاة على المیت، ج:1، ص:164)

(فإن صلى غيره) أي الولي (ممن ليس له حق التقديم) على الولي (ولم يتابعه) الولي (أعاد الولي) ولو على قبره.(رد المحتارعلى الدرالمختار، باب صلاة الجنائز، ج:2، ص:222)

قال: وإذا صلي على جنازة ثم حضر قوم لم يصلوا عليها ثانية جماعة ولا وحدانا عندنا إلا أن يكون الذين صلوا عليها أجانب بغير أمر الأولياء ثم حضر الولي فحينئذ له أن يعيدها. (المبسوط للسرخسی، با ب غسل المیت، ج: 1، ص: 106)

قوله: (وله أن يأذن لغيره إلخ) أي وللولي أن يأذن لغيره، وإذا أذن لغيره أن يصلي فصلى لا يجوز للولي الإعادة. (تبیین الحقائق شرح کنز الدقائق، کتاب الصلوة، باب الجنائز، ج: 1، ص: 573)