واضح رہے کہ بے ہوشی کا طاری ہونا نواقضِ وضو میں سے ہے۔ چنانچہ اگر نماز میں بے ہوشی طاری ہو جائے،خواہ قلیل مقدار میں ہو یا زیادہ، تو اس سے وضو ٹوٹ جاتا ہے۔

لہٰذا صورتِ مسئولہ میں، جب نمازی پر نماز کے دوران بے ہوشی طاری ہوئی، تو اس کی وجہ سے اس کا وضو ٹوٹ گیا۔ اب اگر وہ دوبارہ وضو بنا کر بات چیت کیے بغیر اپنی نماز کو برقرار رکھتا اور رکوع بھی کر لیتا ، تو اس کی نماز ادا ہو جاتی ،  لیکن اگر اس نے نیا وضو نہیں بنایااور اس  سے نماز میں  رکوع بھی  رہ گیا تھا ،تو  اس کی نماز ادا نہیں ہوئی۔ لہٰذا اس پر اس نماز کا اعادہ کرنا لازم ہے۔

(ومنها الإغماء والجنون والغشي والسكر) الإغماء ينقض الوضوء قليله وكثيره وكذا الجنون والغشي والسكر في هذا الباب أن لا يعرف الرجل من المرأة عند بعض المشايخ وهو اختيار الصدر الشهيد والصحيح ما نقل عن شمس الأئمة الحلواني أنه إذا دخل في بعض مشيته تحرك كذا في الذخيرة. (الفتا وى الهندية ،کتاب الطهارۃ،الباب الاول فی الوضوء،الفصل الخامس فی نواقض الوضوء،ج:1،ص:12)

من سبقه حدث توضأ وبنى، كذا في الكنز، والرجل والمرأة في حق حكم البناء سواء، كذا في المحيط.( الفتاوى الهندية،الباب السادس في الحدث في الصلوة،ج:1،ص:٩93)