واضح رہے کہ طلاق ماضی یا حال پر دلالت کرنے والے الفاظ کے ساتھ واقع ہوتی ہے۔ جن الفاظ میں طلاق دینے کی دھمکی ہو یا محض طلاق دینے کے عزم کا اظہار ہوان سے طلاق واقع نہیں ہوتی۔

لہذا صورت مسئولہ کے مطابق اگر شوہرنے بیوی کو ان الفاظ کے ساتھ دھمکی دی ہوکہ " تم اگر وہاں صبر کر لیتی اور یہاں آکر مجھے کہہ دیتی، تو میں تمہیں طلاق دیتا"،  توان الفاظ میں چونکہ صرف  ارادہ طلاق  کا اظہار اور دھمکی ہے  لہذا ان سے کوئی طلاق واقع نہیں ہوئی، چنانچہ بیوی بدستوراس کے نکاح میں رہے گی۔

ولو قال أردت طلاقك لا يقع.( البحرالرائق ،كتاب الطلاق، باب الطلاق ،ج:3، ص: 438)  

في المحيط لو قال أطلق لا يكون طلاقا إلا إذا غلب استعماله للحال فيكون طلاقا. ( الفتاوی الهندية ،كتاب الطلاق،الباب الثاني في إيقاع الطلاق بالألفاظ الفارسية ج:1، ص:452)