واضح رہے کہ ہرعاقل بالغ مردوعورت پر دن رات میں اللہ تعالی کی جانب سے پانچ نمازیں فرض کی گئی ہیں ،اور یہ نمازیں بندہ سے کچھ مخصوص احوال (جیسے جنون،پانچ نمازوں سے زائد وقت  تک کا مسلسل بے ہوشی)  کے علاوہ ساقط نہیں ہوتی، بندہ جہاں بھی ہو ان نمازوں کو ادا کرنے کا پابند رہے گا ، چاہے وہ زمین پرہو، پانی کے اندر ہو اور یا ہوا میں معلق ہو۔ 

صورت مسئولہ کے مطابق اگر کوئی خلا یا مریخ پر جائے  تو اس سے نماز ساقط نہیں ہوگی ،بلکہ جس طرح زمین میں نماز فرض ہے اسی طرح اگر کوئی شخص خلا میں ہو یا چاند، زہرہ ، مریخ وغیرہ کسی سیارہ پر ہو بہر حال اس پر نماز  فرض رہے گی ، چنانچہ تحری کرکے سمت قبلہ معلوم کرے گا اور اسی جانب نماز پڑھے گا۔

قال الله تعالى: ﴿إِنَّ ٱلصَّلَوٰةَ كَانَتۡ عَلَى ٱلۡمُؤۡمِنِینَ كِتَٰبًا مَّوۡقُوتًا﴾. (سورة النساء:103)

الصلاة فريضة محكمة لا يسع تركها ويكفر جاحدها. كذا في الخلاصة.(الفتاوى الهندية، كتاب الصلاة، ج:1، ص:107)