اگر کوئی بچی مدتِ رضاعت میں کسی عورت کا دودھ پی لے تو اس سے حرمتِ رضاعت ثابت ہو جاتی ہے، جس کی وجہ سے دودھ پلانے والی کے اصول و فروع اس پر حرام ہو جاتے ہیں۔

صورتِ مسئولہ میں اگر واقعی عائشہ نے ایامِ رضاعت میں اپنی دادی کا دودھ پیا ہو، تو اس کا چچا اس کا رضاعی بھائی ہے اور چچا کا بیٹا علی اس کا رضاعی بھتیجا  ہے، اور  رضاعی بھتیجے کے ساتھ نکاح حرام ہے۔ لہٰذا  عائشہ کااپنے چچا زاد بھائی علی سے نکاح کرنا ازروئے شریعت جائز نہیں ۔

‌يحرم ‌على ‌الرضيع ‌أبواه ‌من ‌الرضاع وأصولهما وفروعهما من النسب والرضاع جميعا.(الفتاوى الهندية،كتاب الرضاع ج:1ص:343)