واضح رہے کہ طلاق کو جب کسی شرط کے ساتھ معلق کیا جائے ،تو شرط کے واقع ہونے کے ساتھ  طلاق  واقع ہوجاتی ہے، نیز اگر کوئی  شخص کسی معین مقام میں ایک کام نہ کرنے کی قسم اٹھائے اور اس پر طلاق کو معلق کرے،تو جب وہ شخص وہاں جاکر وہ کام کرے گا تو اس کی  بیوی پرطلاق واقع ہو جائے گی ورنہ نہیں ۔

صورت مسئولہ میں سائل  کا یہ کہنا کہ: که ما دا دکان وکو پہ ما به شل واری طلاقه یي( اگر میں نے یہ دکان کیا تو مجھ (بیوی) پر بیس دفعہ طلاق ہوگی)  دراصل اس مخصوص دکان  کے اندر اشیاء کے  فروخت نہ کرنے پر طلاق کو معلق کرنا ہے ،لہذا   سائل کا کسی کام کے واسطے دکان جانا ،یا دکان  کی  کوئی چیز کسی کے ذریعے  دکان سے  لے کرباہر اپنے لیے  فروخت کرنا چونکہ ا س کے بیان کردہ تعلیق میں داخل نہیں ہے اس لیے جب تک یہ شخص  دکان کے اندر خرید و فروخت  نہ کرے یا دکان کے لیے خرید و فروخت نہ  کرے اس کی طلاق واقع  نہیں ہوگی   ۔

وإذا أضافه إلى شرط وقع عقيب الشرط مثل أن يقول لامرأته إن دخلت الدار فأنت طالق " وهذا بالاتفاق لأن الملك قائم في الحال والظاهر بقاؤه إلى وقت وجود الشرط فيصح يمينا أو إيقاعا.( الهداية ، كتاب الطلاق، باب الأيمان في الطلاق،ج:2، ص:626)

وإذا أضافه إلى الشرط وقع عقيب الشرط اتفاقا مثل أن يقول لامرأته: إن دخلت الدار فأنت طالق ولا تصح إضافة الطلاق إلا أن يكون الحالف مالكا أو يضيفه إلى ملك.(الفتاوى الهندية، كتاب الطلاق،الباب الرابع في الطلاق بالشرط،ج:1،ص:420)