واضح رہےکہ جب بائع اورمشتری آپس میں باہمی رضا مندی سےکسی زمین کی بیع طےکرلیں اورطرفین سےایجاب وقبول ہوجائےتواس سےبیع تام ہوکے مشتری کےذمہ ثمن اوربائع کےذمہ زمین حوالہ کرنالازم ہوجاتاہے،چنانچہ زمین کاقانوناانتقال کروانا بائع کی ذمہ داری ہوتی ہےاس لیےاس پرمزید پیسوں کا مطالبہ جائزنہیں۔

صورت مسؤلہ کے مطابق اگرکسی شخص نےزمین فروخت کر کےمشتری سےپیسےلےلیےہوں،تو اس پرلازم تھا کہ زمین کا انتقال کروا دے،اگراس نے نہ کروایا ہوتواب اس کے ورثا پرلازم ہے،چنانچہ ان کا انتقال کےخرچہ کے علاوہ اضافی پیسے لینا شرعا جائز نہیں اوراگرکسی نےمشتری سےانتقال پرناحق پیسےلیےہوں،تواس پرلازم ہےکہ وہ پیسےمشتری کو واپس کردے۔

لا يجوزلأحدمن المسلمين أخذ مال أحد بغيرسبب شرعي.(البحرالرائق،كتاب الحدود،فصل فی التعزير،ج:5،ص:68)