عموماً مساجد میں جمعہ کے دن عوام سے   جو چندہ  جمع کیا جاتا ہے وہ مسجد کے مصالح ہی کے لیے ہوتا ہے لہذا اس کو مسجد کی ضروریات ومصارف میں خرچ کرنا ضروری ہے۔صورت مسئولہ میں جمعہ کے دن عوام مسجد میں جو چندہ دیتے ہیں اس  کو مدرسہ میں صرف کرنا درست نہیں ۔البتہ اگر چندہ دہندگان کی طرف سے اس چندہ کو مدرسہ میں استعمال کرنے کی اجازت ملی ہو تب یہ چندہ مسجد کے ساتھ خاص نہ ہوگا بلکہ مسجد ومدرسہ دونوں میں خرچ کرنے کی گنجائش ہوگی لیکن جب تک ان سے اجازت نہ لی گئی ہو تو چونکہ عرف یہی ہے کہ بلا تعیین چندہ صرف مسجد کے مصالح کے لیے جمع کیا جاتا ہے لہذا اس چندہ کو مدرسہ میں استعمال کرنے سے اجتناب ضروری ہے۔

"الوکیل انما یستفید التصرف من الموکل وقد امرہ بالدفع الی غیرہ کما لو اوصی لزید بکذا لیس للوصی الدفع الی غیرہ فتامل". (ردالمحتار علی الدرالمختار، کتاب الزکوۃ، ج:3 ،ص:189)

"واذا ارأد ان یصرف شیئا من ذالک الی امام المسجد أو إلى موذن المسجد فلیس لہ ذالک إلا أن کان الواقف شرط في الوقف"(الفتاوی الھندیۃ، ألفصل الثانی: فی الوقف وتصرف القیم وغیرہ، ج:2 ،ص:463)