اگر کسی شخص کا دوسرے  پر  حق ہولیکن اس کے پاس گواہ نہ ہوں، اس لیے وہ مدعی علیہ کوقسم دے، تو ایسی صورت میں اگر مدعی علیہ جھوٹی قسم کھالے، تواس سے وہ سخت گناہ گار ہوگا ،کیونکہ جھوٹی قسم کھا نا گناہ کبیرہ ہے،رسول اللہ  صلی اللہ علیہ وسلم  نے جھوٹی قسم کھانے کو گناہ کبیرہ میں شمار کیا ہے، ارشاد ہے :"جو شخص جھوٹی قسم کھائے تاکہ  کسی مسلمان  بھائی  کا مال  ہڑپ کرے ،تو وہ اللہ تعالیٰ کے ساتھ ملاقات اس حال میں کرے گا کہ اللہ تعالیٰ اس پر غصہ ہونگے"۔البتہ ماضی پر جھوٹی قسم کھانے پر کوئی کفارہ نہیں آئے گا البتہ اگر مالک کو اس کا مال واپس کرے اور اس سے معافی مانگے اور اللہ تعالیٰ سے توبہ کرے،تو اللہ تعالیٰ سے امید ہے کہ وہ اس کو بخش دے گا۔

عن عبد الله بن عمرو، عن النبي صلى الله عليه وسلم قال: الكبائر: ‌الإشراك ‌بالله، وعقوق الوالدين، وقتل النفس، واليمين الغموس.(صحيح البخاري، كتاب الأيمان والنذور،باب اليمين الغموس، ج:6،ص:2457، رقم الحديث:6297)

عن عبد الله رضي الله عنه، عن النبي صلى الله عليه وسلم قال: من حلف على يمين ‌كاذبة، ليقتطع بها مال رجل مسلم، أو قال: أخيه، لقي الله وهو عليه غضبان.فأنزل الله تصديقه:إن الذين يشترون بعهد الله. (صحيح البخاري، كتاب الأيمان والنذور،باب اليمين الغموس، ج:6،ص:2453، رقم الحديث:6283)