واضح رہےکہ کوئی چیز کاریگر سے تیار کروانا شرعی طور پر بیع استصناع کے زمرے میں آتا ہے ،اس کے جائزہونےکی شرط یہ ہے،کہ بنوائی جانے والی چیز کی جنس ، نوع اور وصف وغیرہ یوں بیان کر دیا جائے کہ جہالت باقی نہ رہے۔نیز یہ کہ اس چیز کے بنوانے میں لوگوں کا تعامل ہو،یونہی یہ بھی ضروری ہے،کہ اس زیورکی ایک معین قیمت طے کی جائے،لیکن  یہ ضروری نہیں کہ آرڈرکے وقت مکمل قیمت ادا کی جائے بلکہ باہمی رضامندی سے چاہیں تو کچھ رقم ایڈوانس دیدےاور باقی رہ جانے والی قیمت کوادھارکرلیں ،یونہی مکمل رقم اُدھاربھی کرسکتے ہیں۔

صورت مسئولہ میں آرڈرپرزیور تیارکرواناچونکہ عقد استصناع ہے، لہٰذا زیورات کاآرڈردیتے وقت سونے کا کریٹ،اس کاڈیزائن ،وزن وغیرہ اس طورپر طے کریں ،کہ کسی قسم کی جہالت باقی نہ رہے ۔اوراس زیورکی ایک معین قیمت بھی عقدکے وقت مقررکر لی جائے،لیکن مکمل قیمت ادا کرنا ضروری نہیں، بلکہ باہمی رضامندی  سےچاہیں توکچھ رقم ایڈوانس دیدے اور باقی رہ جانے والی قیمت کوادھارکرلیں ،یونہی مکمل رقم اُدھاربھی کرسکتے ہیں۔

الاستصناع جائز في كل ما جرى التعامل فيه كالقلنسوة والخف …وصورته أن يقول للخفاف اصنع لي خفا من أديمك يوافق رجلي ويريه رجله بكذا أو يقول للصائغ صغ لي خاتما من فضتك وبين وزنه وصفته بكذا.وكذا لو قال لسقاءٍأعطني شربةماء بفلس،أواحتجم بأجر،فإنه يجوزلتعامل الناس. (الفتاوى الهندية،كتاب البيوع الباب التاسع ،عشر في القرض، والإستقراض، والاٍستصناع ج:3،ص:195)۔

” لا يلزم في الاستصناع دفع الثمن حالا أي وقت العقد …فكما يكون الإستصناع صحيحا بالتعجيل يكون صحيحا بتأجيل بعض الثمن، أو كله“۔ (درر الحکام شرح مجلة الاحکام ،الفصل الرابع،في بيان الإستصناع، ج:1،ص:424۔)