جس عورت کا شوہر فوت ہو جائے، اس پر چار ماہ دس دن عدت گزارنا لازم ہے اور عدت اس گھر میں گزارے گی جس میں وہ شوہر کی زندگی میں اس کےساتھ رہتی تھی،بشرط یہ کہ وہاں پررہائش کی صورت میں  کوئی خطرہ نہ ہو، مثلاً: جان ،مال یا عزت کا خطرہ  نہ ہو ، بصورت دیگراس کے لیے کسی اور جگہ بندوبست کی گنجائش ہے۔

صورت مسئولہ کے مطابق اگر خاتون کو خاوند کے گھر میں عدت  گزارنے میں  کوئی خطرہ  ہو تو  اس کے لیے اپنے والد ین کے گھر عدت گزارنے کی گنجائش ہے ۔

(وتعتدان) أي معتدة طلاق وموت (في بيت وجبت فيه) ‌ولا ‌يخرجان ‌منه (إلا أن تخرج أو ينهدم المنزل، أو تخاف) انهدامه، أو (تلف مالها، أو لا تجد كراء ) ونحو ذلك من الضرورات.(ردالمحتار على الدرالمختار، ‌‌باب العدة، ‌‌فصل في الحداد،ج:٣،ص:٥٣٦)