واضح رہے کہ دعوی ثابت ہونے کے تین صورتیں ہیں، پہلی یہ کہ مدعی علیہ خود اقرارکرے،دوسری یہ کہ مدعی قاضی کے سامنےگواہوں کے ذریعے اپنا دعوی ثابت کرےاورتیسری یہ کہ قاضی مدعی علیہ سے قسم لے اوروہ انکارکردے،تو مدعی علیہ پر وہ چیزلازم ہوجاتی ہے۔

    صورت مسؤلہ میں چونکہ مدعی  کئی لوگوں پر چوری کا دعوی کررہا ہے،حالانکہ مدعی کے پاس گواہ موجودنہیں اورنہ مدعی علیہ کی طرف سے اقرار پایا جارہا ہے،لہذا مدعی علیہ پرکچھ بھی لازم نہ ہوگا،البتہ مدعی ان سب کوقسم دے سکتا ہےاورحلف اٹھانے کی صورت میں وہ بری ہوجائیں گے۔

البينة ‌على ‌المدعي واليمين على من أنكر. (شرح المجلة لسليم رستم باز،المادة:٧٦،ص:٥١)

أحد أسباب الحكم أيضا اليمين أوالنكول عنه،فإذا أظهرالمدعي العجزعن إثبات دعواه حلف المدعى عليه بطلبه ....فإن حلف المدعى عليه قضى له ،وإن نكل قضى عليه.(شرح المجلة لسليم رستم باز،الكتاب الخامس عشرفي البينات والتحليف،المادة:١٧٤٢،ص:١٠٩٣).