واضح رہے کہ  جی پی  فنڈ میں سرکاری ملازمین سے جو رقم کاٹی جاتی ہے ،اگر یہ رقم ملازم  سےجبرا کاٹی جاتی ہو اور ملازم قانونی مجبوری کے پیش نظر اس معاملہ میں مداخلت نہ کر سکتا ہوتو اس صورت میں جی پی فنڈمیں ملنے والی رقم  (اصل رقم بمع اضافہ)ملازم کے لیے حلال ہے، اور اگر جی پی فنڈ کی کٹوتی  اختیاری ہو،تو اس صورت میں  یہ اضافی رقم لینا جائز نہیں ،نیزاگر کٹوتی تو جبرا ہو لیکن اس فنڈ کو سودی اکاؤنٹ میں  جمع کرنےیا نہ کرنےکا ملازم  یا ملازمین  کی نمائندہ کمیٹی  کو اختیار حاصل ہو ،تو ایسی صورت میں بھی اضافی رقم  لیناشبہ ربوا کی وجہ سے جائز نہ ہوگا ۔

صورت مسئولہ میں اگر سائل نے اختیاری طور پر کٹوتی کا کہا ہو اور سودی اکاؤنٹ میں جمع کرنے کا خانہ پُر کیا ہو تو ایسی صورت میں اس کو اصل حق سے زائد جو رقم ملی ہے وہ اس کے لیے حلال نہیں ، لہذا اس کو بلا نیت ثواب  صدقہ کرے گا۔

عن جابر، قال: لعن رسول الله صلى الله عليه وسلم آكل الربا، ومؤكله، وكاتبه، وشاهديه، وقال: هم سواء. (صحيح مسلم، باب لعن آكل الربا ومؤكله، رقم الحديث: 1598، ج:3، ص: 1219)

والنقدية أوجبت فضلا في المالية فتتحقق شبهة الربا وهي مانعة كالحقيقة. (الهداية،كتاب البيوع، باب الربا، ج:5، ص:178)

(قوله وعلله إلخ) علله الحانوتي بالتباعد عن شبهة الربا، لأنها في باب الربا ملحقة بالحقيقة. (ردالمحتار على الدرالمختار،كتاب الفرائض ،ج:6، ص: 757)