طلاق کوجب کسی شرط کےساتھ مشروط کیا جائے تو جب تک شرط واقع نہیں ہوتی طلاق واقع نہ ہوگی،تاہم اگر شوہر اپنی بیوی سے یہ کہے کہ اگر تم نے میری اجازت کے بغیریہ کام کیا تو تجھے طلاق ہےاور اس کے بعد وہ اسے اس کام کے کرنے کی کھلی اجازت دے دے تو اس صورت میں  تعلیق طلاق ختم ہو جائے گی۔

لہذا صورت مسئولہ کے مطابق اگر شوہر نے بیوی کو یہ کہا ہو کہ "اب کی بار میری اجازت کے بغیرکسی کا فری میں کام کرکے دیاتو  تین طلاق"اس کے بعد اگر  بیوی نے ابھی تک وہ کام نہ کیا ہواورشوہر اس سے کہہ دے کہ" جس کام پر میں نے آپ کو میری اجازت لینےکا پابند کیا تھا ، اب میں تمہیں پابند نہیں کرتا تمہیں اجازت ہے تم یہ کام کرسکتی ہو  "،تواس کے بعداگر  بیوی وہ کا کام کرے گی تو  طلاق واقع نہ ہوگی،نیز آئندہ  ہر مرتبہ متعلقہ کام کرنے کےلیے الگ الگ اجازت لینے کی ضرورت بھی نہیں ہے۔

وإذا  أضافه إلى الشرط،وقع عقيب الشرط إتفاقا ۔(الفتاوى الهنديه،كتاب الْطلاق،الباب الرابع في الطلاق بالشرط،الفصل الثالث في تعليق الطلاق بكلمة إن،وإذا وغيرها،ص:٤٨٨،ج:١)

(لا تخرجي) بغير إذني أو (إلا بإذني) أو بأمري أو بعلمي أو برضاي(شرط) للبر (لكل خروج إذن) إلا لغرق أو حرق أو فرقة ولو نوى الإذن مرة دين وتنحل يمينه بخروجها مرة بلا إذن، ولو قال: كلما خرجت فقد أذنت لك سقط إذنه، ولو نهاها بعد ذلك صح عند محمد وعليه الفتوى والولوالجية.(الدر المختار على صدر رد المحتار،كتاب الأيمان،باب اليمين في الدخول والخروج والسكنى والإتيان،ج:3،ص:758)