واضح رہے کہ جب کوئی شخص  نذر کو کسی  شرط کے ساتھ معلق کردے تو شرط کے موجود ہونے کے ساتھ نذر کی ادائیگی واجب ہوگی۔

صورت مسئولہ کے مطابق اگر کوئی شخص یہ نذر مانے کہ” اگر میرا یہ کام ہوگیا تو میں  دو لاکھ  روپے اللہ کے نام پر دوں گا“ ،اوروہ کام ہو جائے، تو اس پر  دو لاکھ  روپے اللہ کے نام پر دینا واجب ہے، اور  نذر کی رقم  چونکہ صدقات واجبہ میں سے ہے جوکسی مستحق زکوۃ  کی ملکیت میں دینا  ضروری ہے، اس لیے تملیک کے بغیر نذر کی رقم رفاہی کاموں  میں خرچ کرنا جائز نہیں بلکہ مستحق زکوۃ کی ملکیت میں دینے سے نذر کی ادائیگی درست ہوگی۔

(ووجد الشرط) المعلق به (لزم الناذر) لحديث "من نذر وسمى فعليه الوفاء بما سمى"( كصوم وصلاة وصدقة)۔ (الدر المختار علی صدر ردالمحتار، كتاب الأيمان، ج5، ص516،517(

(أي مصرف الزكاة والعشر ) وهو مصرف أيضا لصدقة الفطر والكفارة والنذر وغير ذلك من الصدقات الواجبة۔ (ردالمحتار علی الدرالمختار، کتاب الزکوۃ، ج:3، ص:283)