واضح رہے کہ قسم کے وقوع  کے لیے ضروری ہے کہ اس میں اسم ذات"اللہ " کے ساتھ قسم  کھائی جائےیا اسم صفت کے ساتھ، جیسے:الرحمٰن ، الرحیم یا اللہ تعالیٰ کے کسی ایسی صفت کی قسم اٹھائی جائے جس پر قسم کھانا متعارف ہو، جیسے اللہ تعالیٰ کی عزت اور کبریائی کی قسم کھانے سے قسم واقع ہوجاتی ہے۔

صورت مسئولہ میں یہ کہنا کہ"اگرمیں نے اپنےدوست کے گھر سے پانی پیاتو میں اپنے باپ سے نہیں ہوں گا"یہ قسم نہیں، کیونکہ اس میں باری تعالیٰ کےاسم ذات پر قسم  نہیں، لہٰذا ان الفاظ کے کہنے سے یمین منعقد نہیں ہوتی۔

"واليمين بالله تعالى أو باسم آخر من أسماء الله تعالى كالرحمن والرحيم أو بصفة من صفاته التي يحلف بها عرفا كعزة الله وجلاله وكبريائه؛  لأن الحلف بها متعارف ۔۔۔(ولو قال وغضب الله وسخطه، لم يكن حالفا) ۔۔۔لأن الحلف بها غير متعارف"۔(الھدایة، كتاب الأيمان، باب ما يكون يمينا و ما لا يكون يمينا، ج:2، ص:477)