واضح رہے کہ  اسلام غیر مسلموں کے ساتھ بھی ہمدردی اور رواداری کا درس دیتا ہے،  اس بنا پر اگر کوئی غیر مسلم کسی مسلمان کا دعوت کرے، یا اس کو ہدیہ دے دے تو اس کو قبول کرنے میں شرعا کوئی مضائقہ نہیں، تاہم اگر ان کی دعوت یا گھر بھیجے ہوئے کھانے میں گوشت شامل ہو تو اس سے احتیاط لازم ہے۔

صورت مسئولہ میں اگر کوئی عیسائی کسی مسلمان کو کھانے کی دعوت دے یا کوئی چیز ہدیہ کرے تو اس کو اس شرط پر قبول کرنا جائز ہے کہ اس میں دین کی بے توقیری یا مستقبل میں اس کی وجہ سے کسی قسم کےدینی نقصان کا خطرہ نہ ہو، نیز جو چیز ہدیہ میں دی جارہی ہو وہ بذات خود جائز اور حلال ہو۔

  "ولا بأس بالذهاب إلى ضيافة أهل الذمة هكذا ذكر محمد رحمه الله تعالى...ولا بأس بأن يصل الرجل المسلم والمشرك قريبا كان أو بعيدا محاربا كان أو ذميا"۔(الفتاوى الهندية، كتاب الكراهية، الباب الرابع عشر في أهل الذمة والأحكام التي تعود إليهم، ج:5، ص:401)