اللہ تعالی نے ہر نماز کے لیے ایک مخصوص وقت مقرر کیا ہے۔ اس وقت سے پہلے  نماز کی ادائیگی شرعا معتبر نہیں ۔ فجر کا وقت صبح صادق سے شروع ہوتا ہے ،اور طلوع شمس کے ساتھ ختم ہوتا ہے،ہر ہر نماز کے وقت کی تحقیق کرنا چونکہ ایک مشکل کام ہے، اس لیے ماہرین فلکیات نے  آسانی کے لیے ان اوقات کے نقشے تیار کیے ہیں جن سے اوقات کی تعیین میں آسانی ہوتی ہے۔ گویا نقشوں کے ذریعے اوقات کا بتا نا تجربہ کا خلاصہ ہے اور ایسے مسائل میں اہلِ فن کے تجربہ سے استفادہ کے سوا اور کوئی چارہ نہیں۔

انتہاء سحر کے ساتھ ہی اذان فجر کا وقت شروع ہو جاتا ہے ،لیکن چونکہ لوگ صرف نقشے پر اکتفاکرتے ہیں اور ہرایک ضلع کے مشرق و مغرب کے اوقات میں  دو چار منٹ کا فرق ہو سکتا ہے،جب کہ پورے ضلع کے لئے عموماایک ہی نقشہ تیار ہوتا ہے،اس لئے احتیاط کی بنا پر  نقشے میں دو وقت لکھے جاتے ہیں ، کہ پہلے و قت کے مطابق روزہ بند کیا جائے او ر دوسرے وقت کے مطابق صبح کی اذان اور نماز فجر پڑھی جائے ۔

‌ اعلم أن الصلوة فرضت لأوقاتها قال الله تعالى: ﴿أقمِ الصَّلوةَ لِدُلُوكِ الشَّمْسِ ) ولهذا تكرر وجوبها بتكرار الوقت وتؤدي في مواقيتها . (المبسوط للسرخسي ، كتاب الصلوة ، باب مواقيت الصلوة:ج:1،ص:141)

وقت الفجر من الصبح الصادق وهو البياض المنتشر في الأفق إلى طلوع الشمس ولا عبرة بالكاذب وهو البياض الذي يبدو طولا ثم يعقبه الظلام فبالكاذب لا يدخل وقت الصلاة ولا يحرم الأكل على الصائم. هكذا في الكافي اختلف المشايخ في أن العبرة لأول طلوع الفجر الثاني أو لاستطارته وانتشاره كذا في المحيط والثاني أوسع وإليه مال أكثر العلماء. هكذا في مختار الفتاوى والأحوط في الصوم والعشاء اعتبار الأول وفي الفجر اعتبار الثاني۔كذا في شرح النقاية للشيخ أبي المكارم.(الفتاوى الهندية،كتاب الصلاة،باب مواقيت الصلاة،ج:1،ص:51)