واضح رہے کہ کسی مال پر سود کا حکم تب لگے گا جب کسی کو قرض  دیتے وقت اس میں اضافہ کی شرط لگائی گئی ہو۔چنانچہ اگراضافہ کی شرط نہ ہو تو اصل حق پر اضافہ مل جائے تو اس پر سود کا حکم نہیں لگے گا نیزجس مال پر تاحال ملکیت ثابت نہ ہو اوروہ  بمع اضافہ مل جائے تو وہ اضافہ سود شمار نہیں ہوتا۔

صورت مسئولہ کے مطابق  حکومت  نےعدالت  کے حکم پر انٹرست کی مد میں جو 65 لاکھ روپے زمین کے مالکان کو دیے ہیں ان کے لیے اس کا استعمال کرنا جائز ہے کیونکہ زمین کے مالکان نے اصل رقم پر اضافہ کی کوئی شرط نہیں لگائی تھی اور نہ ہی اس رقم پر پہلے سے ان کی ملکیت ثابت تھی لہذا اس  پر سود کاحکم نہیں لگ سکتا ۔

الربا ‌هو الفضل المستحق لأحد المتعاقدين في المعاوضة الخالي عن عوض شرط فيه. (الهداية، كتاب الربا،ج:3، ص:61)