واضح رہے کہ اگر کوئی شخص کسی کو اپنی چیز بیچنے کا کہے اور اس کی اجرت اس طرح  طے کرے کہ مقررہ رقم  سے زائد جس قیمت پر بیچوگے تو وہ اضافی رقم  بیچنے والے کی ہوگی، اس طرح معاملہ  اجرت مجہول ہونے کی وجہ سے جائز نہ ہوگا کیونکہ ایسا معاملہ بعد میں نزاع (جھگڑے) کا سبب بن سکتا ہے۔

لہذا صورت مسئولہ کے مطابق اگر دکاندار نے سائل کے دوست کو اپنی چیز بیچنے کا وکیل بنایا ہو اور اس کی اجرت باقاعدہ طور پر متعین نہ کی ہو، بلکہ یہ طے کیا ہو کہ ہزار روپے سے زائد جتنی بھی قیمت پروہ چیز بیچی جائے، تو وہ آپ کی ہوگی، تو ایسی صورت میں وکالت کی اجرت مجہول ہونے اور نزاع کا سبب بننے کی وجہ سے یہ معاملہ جائز نہ ہوگا۔

‌

وشرطها ‌كون ‌الأجرة والمنفعة معلومتين؛ لأن جهالتهما تفضي إلى المنازعة۔ (رد المحتار على الدر المختار، كتاب الإجارة، ج:6، ص:5)

قال ‌والإجارة ‌الفاسدة ‌على ‌أحد ‌عشر وجها۔۔۔۔والخامس إجارة السمسار لايجوز ذلك وكذلك لو قال بع هذا الثوب بعشرة دراهم فما زاد فهو لك وإن فعل فله أجر المثل۔ (النتف في الفتاوى للسغدي،كتاب الإجارة، إجارة السمسار، ج:2، ص:575)