فوت شدہ نمازوں کی قضا اسی صفت کے ساتھ ضروری ہے جس صفت کے ساتھ وہ فوت ہوئی ہوں، چنانچہ اگرمسافر شخص سفر کی حالت میں ان نمازوں کی قضا لانا چاہے جو حالتِ حضر میں اس سے فوت ہوئی ہوں، تو وہ چار رکعت  پڑھے گا۔ اور اگر مقیم شخص دورانِ اقامت سفر کے دوران فوت ہونے والی نمازوں کی قضا لانا چاہے توقصر والی نماز پڑھے گا۔

صورتِ مسئولہ کے مطابق اگر کسی شخص سے حالت سفر میں کچھ نمازیں فوت ہوگئی ہوں اور وہ بعد میں گھر آکر ان کی قضا لانا چاہے، تو وہ قصر کرے گا۔

ومن حكمه أن الفائتة تقضي على الصفة التي فاتت عنه لعذر وضرورة فيقضي مسافر في السفر ما فاته في الحضر من الفرض الرباعي أربعا والمقيم في الإقامة ما فاته في السفر منها ركعتين.(الفتاوى الهندىة، كتاب الصلاة، الباب الحادي عشر في قضاء الفوائت، ج:1، ص:121)