واضح رہے کہ کسی فیکٹری کا نام استعمال کرتے ہوئے اپنی مصنوعات پر اس کا نام لکھناکسٹمر کو دھوکہ دینا ہے، جو شرعاً جائز نہیں ہے، البتہ اگر اس فیکٹری والوں کی اجازت سے ہو اور کسٹمر کے ساتھ  طے شدہ شرائط و صفات کے موافق مال تیار کیا جائے تو اس میں شرعاً کوئی حرج نہیں۔

لہٰذا صورتِ مسئلہ کے مطابق سائل کااپنی فیکٹری میں بنے ہوئے چپس پر دوسری فیکٹری کی اجازت سےاس کا نام لکھنا اور چپس کو کسٹمر کےمعیار کے مطابق بنا کرحوالے کرنے کی گنجائش ہے تاہم اگراپنی فیکٹری میں بنے ہوئے چپس پر دوسری فیکٹری کی اجازت کے بغیر اس کا نام لکھے اور یہ ظاہر کرے کہ اسی فیکٹری کا بنا ہوا ہے تو دھوکہ دہی کی وجہ سے ممنوع ہے۔

عن أبي هريرة أن رسول الله صلى الله عليه وسلم مر على صبرة طعام فأدخل يده فيها، فنالت أصابعه بللا فقال: «ما هذا يا صاحب الطعام؟» قال أصابته السماء يا رسول الله، قال: «أفلا جعلته فوق الطعام كي يراه الناس، من غش فليس مني»۔ (الصحيح لمسلم، كتاب الإيمان، باب قول النبي ﷺ من غش فليس منا، ج: 1، ص: 70)

عن أبي سعيد الخدريؓ عن النبي ﷺ قال: ألا لكل غادر لواء يوم القيامة بقدر غدرته، ألا ولا غدر أعظم من إمام عامة۔ (مسند الإمام احمد بن حنبل، مسند أبي سعيد الخدري، رقم الحديث:11269، ج:3، ص:381)

وضابط الغش المحرم أن يشتمل المبيع على وصف نقص لو علم به المشتري امتنع عن شرائه فكل ما كان كذلك يكون غشا وكل ما لا يكون كذلك لا يكون غشا محرما.(البحر الرائق، كتاب البيوع، باب خيار البيع، ج:6، ص:38)