واضح رہے کہ  اگر بائع مشتری پر  کوئی چیز مقرره مدت تك ادھار   فروخت کرے ،اور مدت پوری ہو نے کے بعد مشتری رقم اداکرنے میں کسی وجہ سے  تاخیر کرے اور مدت بڑھانے کا مطالبہ کرے توبائع کے لیے مدت بڑھانے کے بدلے اضافی رقم کا مطالبہ کرنا جائز نہیں کیونکہ یہ سود کے حکم میں داخل ہے۔

صورت مسئولہ کے مطابق  اگر کمپنی پر تمباکو 1200 روپے فی کلو ادھار  بیچا جائے لیکن  مقررہ مدت پر  کمپنی ادائیگی نہ کر سکے اور وہ  مدت بڑھانے کا مطالبہ کرے تو بائع کے لیے مدت بڑھانے کے عوض  کمپنی سے اضافی 300 روپے کا مطالبہ جائز نہیں، یہ سود ہے اس سے احتراز کیا جائے۔

‌ وأما الربا في الدين فهو على وجهين ...احدها ان ‌يبيع ‌رجلا ‌متاعا بالنسيئة فلما حل الاجل طالبه رب الدين فقال المديون زدني في الاجل ازدك في الدراهم ففعل فان ذلك ربا والثاني ان يقول رب الدين للمديون قبل محل الاجل اعطني مالي فاحط عنك بعضا من ديني ففعل فان ذلك ربا للمديون ولا يحل له ذلك.(النتف في الفتاوی، ‌‌الربا في الدين،ج:1،ص:485)