واضح رہے کہ نابالغ بیٹوں کا خرچہ  بالغ ہونے تک باپ کے اوپر لازم ہوتا ہے جبکہ بیٹیوں کا خرچہ ان کی شادی ہونے تک باپ پر لازم ہوتا ہے۔

صورت مسئولہ کے مطابق نابالغ اولاد کا خرچہ باپ کے اوپر لازم ہے، البتہ اگرعورت شوہر کی اجازت کے بغیر اولاد پر اپنی ذاتی رقم سے خرچے کرے تو یہ اس کی طرف سے تبرع ہے، چنانچہ وہ اس کا مطالبہ نہیں کر سکتی، لیکن اگر شوہر کے کہنے پریا قاضی کے کہنے پرخرچے کرے تو پھربیوی شوہر سے اس کا مطالبہ کر سکتی ہے۔

نفقة ‌الأولاد ‌الصغار على الأب لا يشاركه فيها أحد... ونفقة الإناث واجبة مطلقا على الآباء ما لم يتزوجن إذا لم يكن لهن مال كذا في الخلاصة. (الفتاوى الهندية، كتاب الطلاق، الباب سابع عشر فى النفقات، ج:1، ص:560،545)

(‌والنفقة لا تصير دينا إلا بالقضاء أو الرضا) أي اصطلاحهما على قدر معين أصنافا أو دراهم، فقبل ذلك لا يلزم شيء. (رد المحتار على الدر المختار، كتاب الطلاق،باب النفقة، ج:5، ص:311)