شریعت مطہرہ کی روشنی میں جعلی کاغذات بنوا نادھوکہ ہونے کی وجہ سےجائز نہیں ،اور ایسا فعل شرعی،اخلاقی اور قانونی ہر اعتبار سے ایک قابل ملامت اور قبیح فعل ہے۔البتہ جعلی کاغذات  کے سبب جس کام کو سرانجام دیا گیاہو ،اگروہ جائزطریقےسےکیا گیاہو  تو اسں کی اجرت لینا جائز ہو گا ،اگر چہ دھوکہ دینے کی وجہ سے گناہ  گار ہوگا۔

صورت مسئولہ میں سائل نے دو نمبر (بوگس )کاغذات سےبزنس اکاؤنٹ بنایا ہے،جوکہ دھوکہ کی وجہ سےایک نا جائزعمل ہے،جس کی وجہ سےگناہ گار ہوگا۔ لہٰذا اس عمل پر توبہ اوراستغفار کرنا چاہیے،البتہ جس کام کو سرانجام دے رہاہے اگراس کو شرعی اصولوں کے مطابق ادا کیا ہو تواس کے ذریعے کمایاہوا مال کھانا جائز ہے۔

عن أبي هريرة أن رسول الله صلى الله عليه وسلم مر على صبرة طعام فأدخل يده فيها، فنالت أصابعه بللا،فقال:ما هذا يا صاحب الطعام؟قال أصابته السماء يا رسول الله، قال:أفلا جعلته فوق الطعام كي يراه الناس،من غش فليس مني. (صحيح مسلم ،باب قول النبي ﷺمن غشنا فليس منا:ج،1،ص،70)

غصب حانوتا واتجر فيه وربح يطيب الربح كذا في الوجيز للكردري. (الفتاوى الهندية، كتاب الغصب، الباب الثامن،ج:5،ص:142)