واضح رہے کہ اگر کوئی شخص صاحب نصاب بن جائے تو اس پر ملکیت میں موجود سب اموالِ زکوۃ پر زکوۃ دینا ضروری ہے، لہذا اگر کوئی شخص صاحب نصاب بننے کے بعد بعض مال کی زکوۃ ادا نہ کرے، تو اتنی مقدار پر زکوۃ کی ادائیگی اس کے ذمے بدستور باقی رہتی ہے۔

صورتِ مسئولہ کے مطابق اگر کسی عورت نےصاحب نصاب ہونے کے باوجود گزشتہ کئی سالوں سے سونے کی زکوۃ ادانہ کی ہو، تو اتنے سالوں کے سونے کی زکوۃ اس کے ذمے باقی ہے۔ اوراس کی ادائیگی کا طریقہ یہ ہے کہ جس سال سے سونے کی زکوۃ ادا نہیں کی ہے پہلے اس سال میں موجود سونے کی قیمت معلوم کرلی جائے اور پھراس میں جتنی زکوۃ واجب ہوتی ہے اس سے اس سال کی زکوٰۃ اداکرلی جائے، پھر زکوۃ کی ادا شدہ رقم کل مالیت سے منفی کی جائے، جتنی باقی بچ جائے، اس پر جتنی زکوۃ واجب ہوتی ہے، اس سےدوسرے سال کی زکاۃ ادا کی جائے اور پھر اسی ترتیب سے ہرسال کی زکوۃ ادا کر لی جائے۔

وتعتبر القيمة يوم الوجوب، وقالا ‌يوم ‌الاداء.وفي السوائم ‌يوم ‌الاداء إجماعا، وهو الاصح، ويقوم في البلد الذي المال فيه، ولو في مفازة ففي أقرب الامصار إليه، فتح.(الدر المختار على صدر رد المحتار، كتاب الزكاة، باب زكوة الغنم، ص:130)